منتدى همسات ينبع


شبكة همسات ينبع معكم اينما كنتم
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 أبو سوسن وواقع الحياة !!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أميرة الورد
Admin
avatar

عدد المساهمات : 23
تاريخ التسجيل : 24/09/2009

مُساهمةموضوع: أبو سوسن وواقع الحياة !!   الخميس سبتمبر 24, 2009 1:44 pm

السلام عليكم ورحمة الله وبركاته .

أول حاجة كل عام والجميع بخير إن شاء الله , وعيد مبارك على الجميع بإذن الله .

هذا الموضوع سيكون أيضا مقابلة فكاهية بإذن الله لكنه سيتحدث عن واقع الحياة الفعلي بشكلٍ ساخر , وبتمنى إنه يعجبكم إن شاء الله .

ــــــــــــــــــــــــــــــــــــــــــــــــــ ــــــــــــــــــــــــــــــــــــ

في يوم من الأيام كان صاحبنا أبو سوسن ماشي في حاله لا له ولا عليه , وبعد ما مر بزقاق ضيق وطلع في حي شعبي وبعدين لف أول لفة يمين وثالث لفة يسار ولقى في وجهه تقاطع حرف تي ( t ) فقرر إنه ما يلف لا يمين ولا يسار ونَطْ من فوق سور البيت اللي في وجهه وطلع من الباب الخلفي , وفجأة لقى في وجهه شخص حامل مايكروفون شكله مألوف , وظل يفكر ويعتصر مخه ويحاول يتذكر وين شافه , وفجأة تذكر إنه نفس المايكروفون اللي كان مع المذيعة اللي عملت معاه المقابلة السابقة , وسلم عليه المذيع وعرفه طبعاً لإنه كان تابع المقابلة السابقة , وسأل أبو سوسن المذيع : شكلك حابب إني أحكيلك كيف أسست الإتحاد الدولي لكرة القدم صح ؟!!

فرد عليه المذيع : لأ يا " جول ريميه " على غفلة , آخر همي كيف تأسس الإتحاد الدولي لكرة البطيخ , أنا مذيع برامج منوعات وبتكلم عن أحوال الدنيا بشكل عام .

فقال ابو سوسن : عز الطلب , وصلت يا عمري , أنا أحسن واحد بيفهم في أمور الدنيا .

المذيع : صح صدقتك ( أخذه على قد عقله ) واضح عليك الذكاء والعبقرية والفهم بينقطوا منك تنقيط !!

أبو سوسن ( صدق نفسه ) : طبعاً وأساساً من الذكاء والعبقرية أخذت إسمي .

المذيع : إيش دخل أبو سوسن بالذكاء والعبقرية ؟!!

أبو سوسن : ابو سوسن هذا لقبي مو إسمي إنما إسمي الحقيقي الكامل هو ذكي بن لبيب العبقري .

المذيع : ماشاء الله أما العبقري فهذه كثر منها الصراحة , من وين جبت هذا الإسم ؟!! أنا شخصياً هذه أول مرة بسمع بإسم عائلة العبقري !!

أبو سوسن : عارف لإني الوحيد اللي إسمي هيك , حتى أخواني وأخواتي وأولاد وبنات عمومتي مالهم هذا الإسم وإسم عائلتهم مختلف تماماً .

المذيع : يا سلاااااااام , وكيف صار هيك ؟!

أبو سوسن : مثل ما إنت عارف كان زمان أسماء العوائل تنعطى للناس على حسب مهنهم أو على حسب اللي بيتميزوا فيه , وجدي الأكبر " مقلعط " بما إنه كان عبقري زمانه فأعطوه لقب العبقري !!

المذيع : ومين مقلعط هذا ؟!!

أبو سوسن : غريبة , معقولة ما بتعرف مقلعط العبقري ؟!!

المذيع : لأ ما حصل له الشرف إني أعرفه !!

أبو سوسن : هو اللي إخترع أشهر طريقة لعب لكرة القدم , وهي الطريقة اللي بيلعب فيها كل المنتخبات والأندية العربية في الوقت الحالي .

المذيع : غريبة , وشو هي هذه الطريقة ؟!

أبو سوسن : شوت الكرة وإلحقها !!

المذيع : ماشاء الله , هو اللي إخترع هذه الطريقة العبقرية !! فعلاً معاك حق تفتخر فيه , بس ما قلت لنا ليش بس إنت اللي أخذت إسم العائلة من دون البقية ؟!!

أبو سوسن : لإن جدي العبقري سوى بحوث على نفسه وإكتشف عن طريق تحليل الجينات إني أنا الوحيد اللي راح أكون عبقري مثله في كل العائلة فكتب وصية إنه يتم تسمية أبوي لبيب وبعدين يتم تسميتي ذكي وإعطائي لقبه العبقري .

المذيع : طيب يا أخ ذكي ألحين ممكن تزودنا ببعض ما عندك من علم وعبقرية في أمور الحياة ؟!!

أبو سوسن : طبعا أكيد ممكن .

المذيع : طيب نبدأ بموضوعك المفضل واللي هو كرة القدم , برأيك الشخصي كيف ممكن نحل مشكلة غياب الجماهير عن المدرجات ؟!!

أبو سوسن : بسيطة كثير وما فيه أسهل من حل هذه المشكلة , في وقت المباراة يتم قطع الكهرباء عن كل المدينة المقامة فيها المباراة وتشغيلها فقط في الملعب المقامة عليه المباراة من قبل بداية المباراة بساعة لغاية بعد ما تنتهي المباراة بربع ساعة , وهيك الناس ما راح يلاقوا قدامهم حل غير إنهم يروحوا للملعب بما إنه المكان الوحيد اللي فيه كهرباء !!

المذيع ( الفاطس من الضحك ) : ماشاء الله عليك فعلاً فكرة عبقرية ما بتطلع إلا من عبقري مثلك !! طيب وألحين ممكن تحكيلنا شوية عن مشكلة الشرق الأوسط الخاصة بالعدو الصهيوني ؟!!

أبو سوسن : ياااااااااااا قدمك , ما فيه حدا ألحين بيسميهم العدو الصهيوني والكل خلاص إعترفوا بها كدولة يعني زمان حتى مجموعة النادي الصهيوني في دوري أبطال أوروبا ما كان يتم ذكر أي أخبار عنها لا في الصحف ولا في التليفزيونات , أما ألحين صارت كل الصحف والقنوات العربية تتكلم عن مجموعتهم ويذكروها بكل صراحة نادي ماكابي حيفا الإسرائيلي بدون أي خجل , والقناة الراعية للبطولة بتقوم بنقل مبارياته !!

المذيع : طيب يا أخي العبقري ممكن تحكيلنا شوية عن مشكلة الشرق الأوسط الخاصة بدولة إسرائيل ؟!!

أبو سوسن ( بعصبية ) : يا خاين ويا عميل , ما بتستحي تسميها بدولة إسرائيل بكل صراحة ؟!!

المذيع ( بتنفيخ ) : إحترنا يا صلعاء من وين بدنا نبوسك !! مالك يعني واللا خالف تُعْرَفْ ؟!!

أبو سوسن : طبعاً مش أنا عربي , إذاً لازم أخالفك بآراءك لمجرد الإختلاف بِغَضْ النظر عن آرائي الشخصية !! المهم نرجع لموضوعنا المشكلة هذه مو لازم نتعب حالنا ونحاول نحلها , لإنها راح تنحل لحالها في المستقبل إن شاء الله لما يصير الحجر يقول إن خلفي يهودي فاقتله مثل ما ورد في الأدلة الشرعية , فليش نتعب أنفسنا ونحاول نحل ونقاتل وناس يموتوا وناس ينصابوا بعاهات مختلفة على الفاضي ؟!! فخلينا مثل ما إحنا نايمين وبنْخَرِجْ هيفاء وهبي وفيفي عبده وباسم فغالي وغيرهم من الإنجازات العظيمة المفيدة للبشرية !!

المذيع ( وهو بيقاوم بكاؤه ودموعه بعد قصة البؤساء اللي سمعها قبل شوية ) : ماشاء الله عليك عبقري فعلاً , طيب ممكن تحكيلنا شوية عن رأيك في بناء المدن الفضائية وتصوراتك عن الطريقة اللي ممكن تخلينا نلحق بهذا الركب الفضائي ؟!!

أبو سوسن : وليش نلحق الركب ؟!! هو إحنا في حاجة خايفين منها مثلاً ؟!!

المذيع : كيف يعني ؟!!

أبو سوسن : الغربيين والشرق آسياويين وصلوا للفضاء وبيحاولوا يستصلحوا أراضي في الكواكب الأخرى ويبنوا فيها مدن كل هذا لإنهم خايفين وميتين رعب منا وبيدوروا على أماكن يهربوا عليها منا , أما إحنا فشجعان ومش خايفين من أي حدا فما فيه أي داعي إنا نضيع ميزانياتنا على المراكب الفضائية !!

المذيع : فعلاً معاك حق يا فطحل زمانك , طيب يا إبن لبيب ممكن تحكيلنا رأيك في الدعايات ؟!!

أبو سوسن : روعة الصراحة وقمة المصداقية والواقعية والمتعة والتسلية , حتى إني عندي واحد صاحبي أخذ علبة دفة وسافر قبل شهر على وحدة من الغابات المشهورة بالأُسُودْ على شان يجرب فكرة الدعاية ويخلي أسد يلحقه وبعدين يرمي في وجهه علبة الدفة , ولغاية ألحين ما رجع , هي طبعاً الدعاية واقعية وما فيها أي إستخفاف بعقول الناس , بس يمكن هو صاحبي مش لاقي حجز طيران وكمان مش قادر يتصل لإنه في منطقة نائية فأكيد مافيها أبراج !!

المذيع : الله يرحمه عاد ... إحم قصدي الله يلحقك فيه ... يووووووووه قصدي يعني الله يعينكم ويرجعلكم قطعه !! طيب يا أخ عبقري ممكن تحكيلنا رأيك في معتقلات التدريس ... إحم قصدي يعني رأيك في المدارس ؟!!

أبو سوسن : حرام عليك شو معتقلات وما بعرف إيش ؟!! هي صحيح أسوارها طولها 700 متر وفوقها فيه حدايد مسننة والباب لما بيسكر ما بيفتح إلا بطلوع الروح , يعني لازم الطالب يكون بينازع على شان يعطوه إذن , لكن هذا كله على شان يحافظوا علينا مش على شان يحبسونا فيها !! والملاعب الترابية والمليانة بالحجار هذه لإنا متعودين نلعب في البراري والحارات على الرمال والحجارة فهم ما حبوا إنا نلعب على عشب مش متعودين عليه !! وبالنسبة لعدم وجود وحدة صحية فهذا كمان لسلامتنا , يعني إفرض جابوا وحدة صحية وحطوا فيها ممرض وصار هذا الممرض يبيع المواد المخدرة للطلاب !! أما بالنسبة للمختبرات فعدم إستخدامها كمان على شان سلامتنا , يعني إفرض واحد سوى تجربة وإنفجرت فيه , فعلى شان هيك هم لغوا المختبرات والمدارس اللي فيها مختبرات ما بيتم إستخدامها حرصاً على سلامة المساجين ... إحم قصدي الطلاب !!!

المذيع : يمكن ... وجهة نظر !!! وفي النهاية نشكر الأخ الفطحل أبو سوسن على هذا اللقاء القَيِمْ , وندعوا الله ألا يعيدها من منالسبة .

أبو سوسن ( ما فهم الدعوة ) : العفو لا شكر على واجب , وكل مرة حسيتوا إنه عندكم ظلام وحبيتوا إني أنوركم بوجودي نادوني عادي أنا في الخدمة !!

ــــــــــــــــــــــــــــــــــــــــــــــــــ ــــــــــــــــــــــــــــــــــــ

والسلام عليكم ورحمة الله وبركاته .


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
المنتصر بالله
Admin


عدد المساهمات : 3
تاريخ التسجيل : 25/09/2009

مُساهمةموضوع: رد: أبو سوسن وواقع الحياة !!   الأحد سبتمبر 27, 2009 4:59 pm

cheers الله يعطيكم العافية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أبو سوسن وواقع الحياة !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى همسات ينبع :: منتدى الضحك والنكت والفرفشه-
انتقل الى: